لما تنضفى الارض ..جددى نية ..اماطة اذى عن الطريق
لما تعملى الاكل ..جددى نية ..اطعام طعام
لما تذاكرى لاولادك..جددى نيه ..خيركم من تعلم العلم و علمه
لما يجيلك ضيف و يتهد حيلك فى الضيافة ..جددى نية ..من كان يؤمن بالله و اليوم الاخر ..فليكرم ضيفه
لما تيجى على نفسك و تعدى كلمة تقيله على قلبك من حماتك و لا جدتك و لا خالتك ..جددى نية ..ليس منا من لم يرحم صغيرنا و يوقر كبيرنا
و لما تزورى قريبتك و تتكلفى زيارة بالشئ الفلانى تبوظلك الميزانية ..جددى نية ..تهادوا تحابوا
لما تزورى جدتك المسنة المريضة ..جددى نية ..زيارة مريض
و جمللى ده كله بقى بشوية زينة
خلى وقت نشير الغسيل وقت استغفار
ووقت غسيل المواعين تسبيح
ما هو العمر مش بعزقة و شغل البيت و العلاقات الاجتماعية مقدر و مكتوب
فليه تضيعى عمرك كده من غير تمن
خلى كل ثانية تمر عليكى بأجر و ثواب
و قبل ما تشدى سماعة التليفون و تفضفضى لاختك من مقلب عملته فيكى سلفتك لو بنية انها تهديكى و تصلح بينكو خير ..لكن غيبة و رغى و خلاص يبقى مفيش نية ده مش خيال علمى على فكرة ..دى نصاحة ..العمر قصير ..ففكرى نفسك و متفوتيش حاجة من غير نية
اللهم اجعل اعمالنا كلها خالصة لوجهك الكريم يارب